線上【活出書中的智慧：「渡岸法光」】
學員分享
Vidheya「渡岸法光」分享：
本人喜歡看書，所以對參加讀書會無抗拒。但因為從未參加過這類型的讀書會，所以初時都係一舊雲上堂。記返第一次睇書的情景：睇左書先，普通文字意思都明的。但無相關背景，所以睇時又唔覺講嘅嘢「嘩咁勁，好有意思」，反而覺得「其實我都睇得明，那上堂有咩好講，好難咩？」上完第一堂後，有好多解說，亦有講下翻譯上的字眼。所以理解嘅嘢同自己就咁「睇字」係唔一樣的。 讀書會可以令我們理解更多更深。
主持準備了問題俾我哋再去諗，初時大家都一舊雲，唔懂得去分享。以為功課討論一定要分享出來，所以那時有D擔心同壓力。
但過左幾堂，大家都適應/習慣這個課堂的模式 (原來唔講，只是聽都得)，亦知道好 free (臨時有事上唔到都可轉回看)， 那就開始覺得好正啦 ∼ 好有時間上的彈性∼
上堂會講返背景，會多角度解釋 (例如佛家同其他學說)，亦會講師父的日常以及其他秘聞 (最鍾意聽八卦野)。
透過這個課堂，有種活生生了解奧修師父的感覺 ∼ 了解佢的人生，就更容易接受到佢的教導 (亦知道師父的教導係無過時的)。
這種感覺/感動比較難只從師父的書知道。係，係需要時間去浸淫/了解/領會。但係，值得的∼
自己睇完書後，如果有不明白，可以在群組分享，又可以下一堂問，因為書的內容/題目好廣闊，無太多限制，基本上諗到覺得有關的都可以討論。感覺到大家係互相交流，知識的承傳。
我本人幾鍾意聽到其他的學說/佛教跟師父的講法的同/異，有趣。因為咁樣更容易理解，有時覺得更加玄妙。
知道主持好俾心機備課，多謝你們∼
Satbodhi 「渡岸法光」分享：
我覺得單獨呢個主題非常正！每一次自己有D經歷，還在釐清階段中，就會喺課堂中得到啟發，一切總是有最好的安排。
聽返 Puja 講，已經一年，真係不知不覺，諗返起，頭幾堂，自己都真係好似消化唔切咁，不過近半年尤其這兩個月，感覺自己嘅經歷同課堂嘅內容同步性多左好多∼ 可能係覺知多左
我都好喜歡呢個模式，聽住 Puja 同 Pankaj 講課，內容有闊度也有深度，而且十分輕鬆舒服，有時又有好笑野，正過聽任何電台或節目廣播100倍
最好嘅就係可以回聽，呢排做嘢比較忙，通常安排喺星期六日回聽，雖然會失去聽某些分享或者做分享及即塲問問題嘅機會，但過程中，讓自己有足夠時間可以反思並寫下感言，我覺得呢種模式好適合我現階段的學習。
感謝兩位海量的預備和無私分享，讓我每一堂也收穫豐富 ∼ 我會極力推介給對奧修教學或修行有興趣的朋友
慧「渡岸法光」分享：
已經參加了「渡岸法光讀書會」一年多，分享一下對我生活上的幫助及轉變。
1) 我上課之餘，也會邀請老公看書和討論！其中一個主題很深刻，是關於死亡！原以為這主題離我很遙遠，但萬萬想不到，年頭老爺突然在家中安詳離開。當這麼近面對親人死亡，因此我和老公才會開放深入討論；也好似提前做好準備一樣。雖然有不捨情緒，但當我們了解到死亡後靈魂何去何從，內心是更平靜和可以接納如此突如其來的巨變！也令我可以跟自己父母親放下顧忌去討論這個課題。
如果只是自己閱讀《渡岸法光》也未必可以深入了解。
感謝導師們詳細解析箇中原由。
2) 最近一章關於單獨的主題，正是我長期恐懼及抗拒的狀況，但是透過奧修的文字，加上生活上的巨變，我在一步一步經驗單獨。過程未可說是容易，起碼少了抗拒。老公見到我有少少改變，也減少了擔憂。畢竟，他現在要專注照顧失去老伴及病重的媽媽。當我可以經驗單獨，我的生活好像多了些動力，去嘗試新活動。
Vidheya 完成整個「渡岸法光」系列後的分享：
對我來說，渡到岸發光就好似飲一碗雞湯。
呢一個課堂就是一個幾個鐘頭的「乜太學煮餸」，好深入的。絕對唔係YouTube嗰啲1分鐘學睇煮一個餸咁膚淺的。
原因係主持一開始就已經為你準備好一碗雞湯，你一路飲（上堂聽導賞），佢哋就你一路解釋每一個步驟每一個重點，每一個蹺妙嘅地方。 由淺入深教你，點樣準備一隻雞點樣去煲一個雞湯。 例如要點拆皮，點樣可以快靚正做到。點樣斬雞，點樣攞精華嘅部份去煲湯。（呢啲就係課堂嘅內容點樣深入一層一層去解釋令到每一個人都明白）， 每一樣嘢都分得好仔細去講講得好深入。 之後會準備啲小練習俾我哋，叫我哋日常練習吓「點樣拆皮」點樣用唔同嘅方法去拆皮，點樣可以拆皮嘅過程會快啲。睇吓邊個方法最啱自己用。
因為每一次都淨係做一啲小練習，唔會叫你直接煮一個雞湯（所以學習嘅過程係慢慢浸淫， 完全冇壓力。 亦都覺得容易會做到，慢慢累積滿足感）
然後日子有功，就算你未試過落場親身煮一個雞湯， 你有個概念點樣去煮一個可以滋養自己的雞湯，或者可以講出每一個步驟點樣做，點樣可以避免出錯嘅地方 （上堂講嘅內功心法）。
有時好得意嘅，就係佢會教你煮第二啲嘢，有啲乜嘢配料好，加咗落個雞湯會更好好味。或者一啲異想唔到嘅材料（一啲平時唔會知道嘅題目：催眠/前世…）原來都係一啲有用/有新鮮感的野，所以有時有食fusion菜嘅感覺。（主持好努力MIX and match好多其他嘢喺入邊）
每上完一次堂，你都飲咗一碗雞湯，好有滋潤嘅感覺。上完整個課程之後學到嘅廚藝就係自己嘅。 唔會咁易唔記得。當你有飲過好嘅雞湯，你就唔會忘記個味道。之後就係靠你自己去磨練你嘅廚藝，煮出一碗可以滋養自己嘅雞湯。
如果你願意練習，你會發現自己煮嘅時間可能會越嚟越短，煮嘅時候，越來越少出錯嘅地方。當你慢慢煮到雞湯滋養自己，而家味道好似一次都比上一次好，我諗呢個就係成長嘅滿足。
Chaitanya 完成整個「渡岸法光」系列後的分享：
以下分享總結 <<活出書中的智慧 [渡岸法光] >> 的旅程：
每個有意識的人都會學習不同工具，用不同的方法去了解自己，幫助自己成長。睇書看似簡單容易，可以自己讀，自己解，上堂像是不必要。但，有無動力去讀完套書？自讀完到底是否理解奧修師父真正的意思？如何應對日常？又如何助攻自己其他所學的工具？ 奧修師父的書，每粒字都好簡單，但加埋的意思又明白到幾多？？？當自己不了解書裏面嘅真正意義，讀曬本書有乜用？
在我而言，以上種種問題，透過這兩年半 <<活出書中的智慧 [渡岸法光] >> 的旅程，通通經驗及解答到。。。我有讀完整套書，學習到奧修師父話言真正的意思，亦經歷過把學習到的放在日常生活中展現，見証自己及同修在學習及使用其他工具來得更快更易。過程中，讓我更了解奧修師父真正想帶比我們的提醒。讓自己嘅成長路上可以行得更遠，自我發掘得更深，應對日常每個狀況，讓自己所學的發揮得更好。
好感恩自己有堅持參加這個課程，2年8個月，不是一段短的時間。這段時期，無論當刻自己的狀態如何，是高還是低，學習緊什麼工具，經歷緊什麼階段，課堂上都會適時就出現師父的提示，每次都真係講得好貼合自己當刻所面對的課題，從而得到不同的啟發。
這些都有賴兩位導師，Puja 同 Pankaj，充足的準備，因為佢哋會用不同方法，實證，故事，見解，讓我們明白書本內外的種種。最正的是，無論當刻面對緊什麼，只要願意問，願意分享，他們都一定會回應並提出適時幫助。
另外亦感謝同修們的參與及分享，讓我可以用不同的角度去理解 ，感受， 更容易去消化，沉澱及吸收。
感謝各位!
期待下一套書嘅分享會❤
詳情可按：【活出書中的智慧：「渡岸法光」】
每次活動為獨立單元，可單次參加；但建議連續參與可有更大的得著。
活動每月兩次，一般隔星期舉行，有機會在平日不同晚上舉行。會預早公佈未來兩個月的活動日期。
歡迎自定時間觀看【奧修「渡岸法光」 "The Path of the Mystic" 前傳】，已購套票的參加者可免費觀看；詳情請向職員查詢。
查詢可致電 +852-31840974 或 Whatsapp +852-68572939 或 Telegram 信息聯絡 或 電郵至 registration@hknewage.hk
%20QR%20code.png){kind=small}
